නිදහසේ වේදිකාවේ නුවරඑළිය දිස්ත‍්‍රික් මහජන රැස්වීම අද (ජුලි 12)තලවකැලේදී පැවැත්විණි. මේ සඳහා එක්සත් ජාතික පක්ෂයේ නියෝජ්‍ය නායක කරු ජයසූරිය, ශ‍්‍රී ලංකා නිදහස් පක්ෂයේ ‘ම’ පාර්ශ්වයේ නායක මංගල සමරවීර, නීතිඥ ජේ.සී වැලිඅමුණ, නීතිඥ ලාල් විජේනායක, නීතිඥ රවී ජයවර්ධන, තලමුත්තු සුදාහරන්, යන මහත්වරුන් කථිකයෝ ලෙස සහභාගී වූහ. මෙහිදී අදහස් දැක්වු නීතිඥ ජේ.සී වැලිඅමුණ මහතා සදහන් කළේ 2009 වසර ආරම්භ වුයේ සිරස මාධ්‍ය ජාලයට පහරදී, මාධ්‍යවේදී ලසන්ත වික‍්‍රමතුංග ඝාතනය කිරීමෙන් බවය. ”මේ සිද්ධීන් ඇතිවෙන තත්ත්වයට රටේ පරිසරය සකස් වී තිබුණා. ප‍්‍රජාතන්ත‍්‍රවාදය මිනිස්සුන්ට අයිති දෙයක් මිස රජයට අයිති දෙයක් නොවන අතර එය රැක ගැනීමට පුරවැසියන් එක්රැස් විය යුතුයි. නිදහසේ වේදිකාව දේශපාලන පක්ෂවලට කිහිලිකරුවක් හෝ ත‍්‍රස්තවාදී ව්‍යාපාරයක් නොවන අතර මෙය සාමකාමී ව්‍යපාරයක් පමණයි.”Read more...
